Ademais de asistir ás diferentes charlas e talleres que se desenvolveron ao longo destes 3 días de xornadas de debate e traballo, varias profesionais de *Érguete participaron activamente expoñendo un póster sobre o  cánnabis e colaborando nunha mesa de experiencias moderada por Jesús Morán, xefe de servizo da delegación do Goberno para o Plan Nacional sobre Drogas ( PNSD), titulada “Boas prácticas de prevención do consumo de cannabis desde o ámbito local”.

María  Novelle, unha das nosas técnicas especialista en prevención, expuxo o noso labor e a nosa experiencia en prevención do consumo do cannabis desde un punto de vista do ámbito educativo e familiar , compartindo os datos que obtemos desde varios dos programas que levamos a cabo ao longo do ano con profesionais recoñecidos a nivel internacional que participaron nestas xornadas.