0
0
0
s2sdefault

O 48% dos menores considera Internet como a fonte de información máis adecuada sobre temas sexuais, pero os contidos consultados son mairmente porno, sendo 11 anos a idade media de inicio neste tipo de contidos.

A Asociación Érguete organizou onte no Multiusos da Xunqueira de Redondela unha charla interactiva sobre educación afectivo-sexual para as familias. Foi impartida pola médica especialista en Educación para a Saúde, Ana Prejigueiro Santás, e afondouse na educación sexual que as familias imparten a nenos e nenas, e a importancia de mellorar a comunicación entre ambas partes.

A organización deste tipo de charlas ten como obxectivo axudar as familias nun aspecto tan importante da educación de menores como é a sexualidade. Unha formación que a ONU define como “esencial para a saúde e benestar de rapaces e rapazas”. “É algo do que hai que falar na familia, se non llo facilitas, irán a Internet ou ao porno, e iso pode traer máis confusión e malos hábitos”, explican dende a Asociación Érguete.

Segundo a Encuesta Nacional sobre Salud Sexual y Anticoncepción entre los Jóvenes españoles da Sociedade Española de Contracepción (SEC), no ano 2019 un 48% dos menores consultados consideraba Internet como a fonte de información máis adecuada sobre temas sexuais, mentres que un 45,5% afirmaba que a súa primeira fonte de información son os amigos e amigas, por diante do profesorado (28%), as nais (23,1%) e o pai (12,4%). Ademais a enquisa tamén recolle que a idade media da primeira relación sexual sitúase nos 15,7 anos entre a mocidade con idades entre os 16 e 18 anos. Mentres que a media para iniciarse no porno é de 11. Cinco anos no que o imaxinario sexual está formado a partir da pornografía. Cos perigos, confusións e mesmo comportamentos machistas que esta situación pode traer.

Polo de agora en España a educación sexual non está implantada no sistema educativo e as últimas estatísticas sobre enfermidades de transmisión sexual avisan de que algo estase a facer mal. O Ministerio de Sanidade avisaba o pasado verán dun aumento deste tipo de doenzas do 26% entre 2013 e 2017, mentres que o uso do preservativo entre mozos e mozas descendeu dun 84 a un 75% entre 2002 e 2018.

As charlas interactivas responden a esta falta de información que a Asociación Érguete detecta na sociedade e forma parte Proxecto de Prevención de Drogodependencias e Condutas Aditivas da Xunta de Galicia no Concello de Redondela da que se encarga a Asociación. Un dos programas que organiza é o chamado “Máis que un teito” que consiste nun ciclo de conferencias dirixidas ás familias en diversos temas relativos a prevención.

charla interactiva familias educacion afectiva sexual Asociacion Erguete Redondela

0
0
0
s2sdefault

A Asociación Érguete recibiu a Alexandra Touza para a presentación do seu libro “Lola, Amparo e Xulia, as irmáns Touza”. Unha historia sobre tres mulleres de Ribadavia que trala Guerra Civil, en 1940, salvaron a vida a medio millar de xudeus que fuxían dos nazis creando unha rede de fuga que tiña como meta Portugal.

“A historia ten que coñecerse. A xente nova ten a necesidade de coñecer ben o pasado, aínda que doa”, reflexiona a presidenta da Asociación Érguete, Carmen Avendaño, durante a presentación do conto para nenos e nenas “Lola, Amparo e Xulia, as irmáns Touza” da autora viguesa Alexandra Touza. Unha historia sobre tres  irmás de Ribadavia que fixeron do seu quiosco na estación de tren un refuxio para centenares de xudeus que chegaban a Galicia fuxindo dos nazis. Alí, nun pequeno soto se escondían, ata que na noite escapaban para Portugal coa axuda dunha rede de fuxida que as irmáns Touza articularon arriscando as súas vidas.

as schindler galegas

Alexandra Touza escribiu esta historia porque lle toca moi de cerca. É neta dun supervivente do campo de concentración de Auschwitz en Polonia. O seu avó tiña trece anos cando os nazis sacaron a el e a súa familia do seu fogar, nun vila cerca de Amsterdam (Países Baixos), para levalos ao campo de exterminio. Foi o único que sobreviviu e, paradoxicamente, foi grazas a un soldado alemán que lle deixaba migas de pan a escondidas para que non morrera de fame. Cando foi liberado estableceuse de novo en Amsterdam e casouse. Alí tiveron a nai de Alexandra e tamén alí a súa filla namorou dun galego que se apelidaba Touza. Un nome que compartían cos tres anxos de Ribadavia posto que resultaron ser familiares lonxanos.

A historia da súa familia tanto por vía materna e vía paterna é un dos xermes dun conto que arrancou con 1.500 exemplares repartidos en escolas e oficinas de turismo. “Rapidamente voaron todos as copias”, destaca a escritora viguesa. E o conto non quedou só en Galicia, se non que tamén chegou a unha das bibliotecas máis importantes de Israel. A historia tamén cruzou o Atlántico para converterse nunha obra de teatro en México e agora unha película sobre as tres mulleres galegas está en proceso de produción. En definitiva, unha historia que comeza a contarse 80 anos despois de que pasara debido ao silencio pactado polas tres irmáns por medo a represalias e ao propio peso dunha historia que ocultou a estas salvadoras.

A presidenta da Asociación Érguete, Carmen Avendaño, destacou que historias así “deben ser coñecidas”. “Temos a necesidade de saber cousas, de coñecer o noso pasado, para homenaxear aos que loitaron pola liberdade e para que os erros non se volvan a repetir”, concluíu pondo o foco na importancia da educación dos máis pequenos e pequenas. Nesta afirmación coincidiron Alexandra Touza, a presidenta de Executivas de Galicia, Carla Reyes, e os usuarios e usuarias do programa de vivendas da Asociación Érguete que acudiron á charla e a enriqueceron coa súa participación.

as schindler galegas 2

0
0
0
s2sdefault

O​ barrio de O Calvario tamén se quixo unir ás reivindicacións contra a violencia de xénero deste 25 de novembro.

A Asociación Érguete organizou esta mañá unha concentración e a súa presidenta, Carmen Avendaño, foi a encargada de ler un manifesto de repudia contra a violencia machista xunto ao Presidente da Asociación de Familiares de Enfermos de Alzheímer (Afaga) e a alumnos do CPR Santa Cristina de Vigo que recitaron un poema sobre a violencia de xénero de Marta Lloves, técnica de prevención da Asociación Érguete.

concentracion 25N asociacion erguete

Ao acto acudiron veciños e veciñas de O Calvario, ademais dos traballadores e traballadores da Asociación Érguete, de Afaga, do CPR Santa Cristina de Vigo e da Fundación Érguete. Ademais de usuarios e usuarias da distintas organizacións e da veciñanza que se quixo sumar a reivindicación do seu barrio.

concentracion 25N asociacion erguete 2

Ademais de lembrar as 91 mulleres asasinadas este ano, a Asociación Érguete solicitou melloras na Lei Integral Contra a Violencia de Xénero para que non só sexan consideradas vítimas as mulleres asasinadas ou maltratadas polas súas parellas ou exparellas. O resto de mulleres asasinadas ou agredidas pola rúa por parte de homes tamén deben ser contabilizadas.

Todos e todas as presentes no acto coincidiron en que a educación é a arma máis poderosa para loitar contra a violencia machista dende as idades máis temperás. O grito foi claro: “Nin un paso atrás”.

0
0
0
s2sdefault

O pasado domingo as nais fundadoras da Asociación acudiron ao pase da obra de teatro Fariña, baseada no libro do xornalista Nacho Carretero.

Este fin de semana a historia da nosa Asociación volveu á emocionar corazóns. A loita incansable das nosas nais fundadoras nese difícil panorama da Galicia dos anos oitenta, contouse no escenario do teatro Afundación de Vigo dentro da xira da representación teatral de Fariña. Foi a súa representación máis especial xa que parte das fundadoras da Asociación Érguete subiron ao escenario invitadas polas actrices e os actores. O público púxose en pé para aplaudir e agradecer o gran traballo que fixo e fai a Asociación e á fermosa representación á que puidemos asistir. 

Obra teatro Farina Asociacion Erguete 2

Nesta obra de teatro traballan artistas consagrados como Touriñán, Marcos Pereiro, María Vázquez, Cris Iglesias e Sergio Zearreta. Todos e todas dirixidos polo director Tito Asorey e para a confección do guión contaron co xornalista e autor de Fariña, Nacho Carretero. A historia deses tempos difíciles e da loita das nosas nais fundadoras continuará percorrendo os teatros da man deste grandísimo equipo. Este fin de semana, estarán en Pontevedra e despois actuarán en A Coruña. 

Obra teatro Farina Asociacion Erguete 3

Obra teatro Farina Asociacion Erguete 1

Traballamos ata hoxe

Aqueles foron tempos moi duros. Nos que houbo que loitar moito, as nosas nais fundadoras sábeno ben, pero agora a Asociación continúa a pelexar por un mundo mellor. Máis inclusivo e que coñeza ben o perigo das adiccións, da desigualdade e da falta de oportunidades para distintos colectivos en risco. Por iso, a nosa labor segue sendo esencial na nosa sociedade. Só traballamos por unha cousa. Xuntas e xuntos por un mundo mellor, unha sociedade máis xusta e con oportunidades para elas e eles. 

0
0
0
s2sdefault

Los días 7, 8 y 9 de Noviembre, representantes y profesionales de la Asociación Érguete han asistido al "II Congreso Internacional sobre cannabis y sus derivados: Salud, educación y ley", celebrado en el Auditorio Munipal de Catoira.

Además de asistir a las diferentes charlas y talleres que se han desarrollado a lo largo de estos 3 días de jornadas de debate y trabajo, varias profesionales de Érguete participaron activamente exponiendo un póster sobre el cánnabis y colaborando en una mesa de experiencias moderada por Jesús Morán, jefe de servicio de la delegación del Gobierno para el Plan Nacional sobre Drogas (PNSD), titulada "Buenas prácticas de prevención del consumo de cannabis desde el ámbito local".

María Novelle, una de nuestras técnicas especialista en prevención, expuso nuestra labor y nuestra experiencia en prevención del consumo del cannabis desde un punto de vista del ámbito educativo y familiar , compartiendo los datos que obtenemos desde varios de los programas que llevamos a cabo a lo largo del año con profesionales reconocidos a nivel internacional que participaron en estas jornadas.

II Congreso Internacional sobre cannabis 2

II Congreso Internacional sobre cannabis

II Congreso Internacional sobre cannabis 3

II Congreso Internacional sobre cannabis 5