0
0
0
s2sdefault

O programa Coñece-Decide desenvolveuse nun ano difícil para a educación, adaptando todos os seus contidos ao contexto sanitario do país.

 WhatsApp Image 2021 01 15 at 14.25.28

243 menores e e 268 familias asistiron a talleres de prevención de condutas adictivas organizados pola Asociación Érguete e a Deputación de Pontevedra a través do programa Coñece-Decide. “A prevención é hoxe aínda máis importante”, lembra a coordinadora deste programa na Asociación, Marta Lloves, para explicar porque nunca “pasou pola nosa cabeza a idea de parar o traballo preventivo este ano”.

“Coidarse é máis importante que nunca e a prevención é a mellor vacina que temos contra as adiccións”, afirma Lloves. Tanto ela, como os responsables da Asociación, están moi contentos cos resultados obtidos durante este ano, similares aos do anterior, pese ao confinamento estrito da primavera. Dende a Asociación Érguete queren destacar o apoio e aposta da Deputación de Pontevedra pola prevención e pola saúde dos máis pequenos e pequenas nun ano tan difícill a través do programa Coñece-Decide.

0
0
0
s2sdefault

A actividade organizada pola Asociación Érguete aporta ferramentas aos rapaces e rapazas para previr situacións de acoso, consumo de substancias...

ceip Antonio Carpintero Arbo Asociacion.Erguete

Este venres o alumnado do colexio Antonio Carpintero de Arbo rematou unha formación enfocada a reforzar a súa personalidade. A actividade foi organizada polo equipo de prevención da Asociación Érguete e tiña como obxectivo aportar as ferramentas necesarias ás rapazas e rapaces para poder previr e saber afrontar situación de acoso, de adiccións, de conflitos… 

A encargada de explicar aos pequenos e pequenas estes contidos foi a técnica de prevención, María Novelle, que compartiu reflexións e momentos en dúas sesións de traballo. “Os resultados foron moi positivos. Tanto o alumnado como o equipo educativo do centro fixo una moi boa acollida do obradoiro, participando e mostrando interese nas diferentes actividades”, explica a profesional da Asociación Érguete. 

Algunhas dos aspectos que máis se traballaron nesta formación for a reflexión sobre as propias accións, a autocrítica, a importancia de comprender e respectar, aprender a escoitar e a expresar as preferencias. “Foi un lugar no que rapaces e rapazas puideron coñecerse mellor e aprender a respectarse o un ao outro”. 

Estas actividades forman parte do proxecto E.S.E que coordina a Asociación Érguete e están subvencionadas polo Concello de Arbo.

0
0
0
s2sdefault

Ás persoas cos réximes de illamento máis duros da prisión o confinamento e a crise sanitaria “tamén lles afecta moito psicoloxicamente”, lembra o psicólogo da Asociación, Rodrigo Alonso.

atención socioeducativa A Lama e Teixeiro Asociacion Érguete

Ningún colectivo escapa da pandemia. Nin os que están máis illados. A crise do coronavirus afecta de maneira directa ou indirecta a todos e a todas, e as persoas internadas en prisión non son unha excepción. Durante o confinamento as visitas estaban prohibidas, e agora dependen de como avance a situación. “Isto aféctalles moito psicoloxicamente”, explica o psicólogo da Asociación Érguete, Rodrigo Alonso, un dos encargados de ofrecer atención socioeducativa aos presos de primeiro grao da prisión de Teixeiro, un réxime pechado e de illamento coñecido coloquialmente como “a prisión dentro da prisión”.

No que vai de 2020 a Asociación Érguete, a través do seu programa Auto-T, ofreceu atención socioeducativa a 47 presos de primeiro grao nas prisións de A Lama e Teixeiro. O obxectivo destas actividades é “mellorar a vida e a integración destas persoas na prisión”, pero segundo Alonso este ano tamén “temos que traballar moito para axudar a combater os retos que nos impón a pandemia como a preocupación polos seres queridos, a falta de visitas…”. Este tipo de traballo precisa un seguimento que, “por sorte, este ano podemos facer de maneira semanal”, alégrase o psicólogo facendo mención á renovación do convenio que a Asociación Érguete firmou o mes pasado coa Fundación Barrié, coa Fundación Roviralta e con Institucións Penitenciarias.

O psicólogo de Érguete quere lembrar que a pandemia debe demostrarnos que a saúde de “todos e todas importa e isto, por suposto, tamén inclúe ás persoas privadas de liberdade, estean en primeiro, segundo ou terceiro grao”. O experto lembra que a sociedade moitas veces esquece a este colectivo e reivindica que “eles e elas tamén son persoas con dereito a unha segunda oportunidade e que para elo precisan axuda”. Alonso conclúe lembrando que “á saúde mental e tan importante como a física”, para unhas persoas que comparten un perfil de inicio de consumo de drogas a idades moi temperás e con longas condeas en prisión

0
0
0
s2sdefault

A Asociación Érguete constituíse no 1985 nunha situación moi difícil e na que era moi necesaria. Hoxe, 35 anos despois, as adiccións cambiaron, pero continúan a ser un grave problema na sociedade

A Asociación Erguete cumpre 35 anos

 

Hoxe, a Asociación Érguete cumpre 35 anos. É o aniversario do inicio dunha loita dunhas nais contra un problema que a sociedade non quería ver. Un 8 de outubro de 1985 estas mulleres, chamadas por algún narcotraficante tolas e terroristas, coa axuda tamén de varios homes, conseguiron profesionalizar e institualizar está loita creando a Asociación a que deron un nome de esperanza e futuro, Érguete.

Dende aquel día as persoas con problemas de adiccións do sur de Pontevedra, e tamén de Galicia, tiveron un lugar onde acudir para preguntar, mellorar, e tamén denunciar as súas situación. Deixaron de ser invisibles grazas aquelas nais que comezaron dende os barrios máis populares e acabaron rompendo barreiras que naquela época parecían imposibles.

Hoxe, 35 anos despois, o legado e o traballo desas nais está en mans dun equipo de 30 profesionais de distintos campos sociais. A Asociación Érguete está presente nas rúas, nos colexios, nos fogares, e tamén con máis esquecidos nas prisións galegas de A Lama e Teixeiro, a través de seis programas de intervención social.

Durante o último ano cerca de 5.000 persoas recibiron axuda a través da Asociación e a gran maioría mellorou a súa situación. Este ano, nun contexto tan complicado como o que vivimos, as cifras seguen un camiño parecido xa que durante o confinamento non se interrompeu por completo a activade, pero as persoas precisan máis axuda ca nunca. Por iso, a presidenta e tamén fundadora da Asociación Érguete, Carmen Avendaño, quere lembrar á sociedade que “nos momentos difíciles nunca podemos esquecer ás persoas. Soamente xuntas e xuntos cunha sociedade saudable e unida poderemos saír mellores das malas situacións”. Avendaño recorda con esta frase, que a unión e as ganas de ter un futuro mellor foi o que fixo que os galegas e galegas alzarán a voz contra o narcotráfico nun momento no que parecía “case imposible”.

Dende a Asociación Érguete tamén queren aproveitar o seu aniversario para lembrar que as adiccións tamén son unha “pandemia que deixa moita vidas atrás”. A coordinadora da entidae e traballadora social, Elvira Rivas, lembra que “estamos nun momento moi importante para fixar como queremos combater as adiccións debido ao contexto da crise sanitaria que vivimos”. Segundn o último Informe Europeo de Drogas os patróns de tráfico de drogas e consumo cambiaron obrigando a que os métodos para intervir e previr tamén “deban adaptarse”, explica Rivas.

“Mellorar e cambiar sempre é posible”, asegura Carmen Avendaño. Sabe que nos momentos que vivimos é moi difícil ser tan optimista, pero pon a Érguete como exemplo. “Se un grupo de nais fomos capaces de mover unha sociedade polos nosos fillos, que non imos facer todos e todas xuntas”, conclúe falando da loita contra as adiccións e tamén do mundo e a sociedade en xeral.

No seu aniversario a Asociación Érguete tamén quere aproveitar para lembrar que nunca camiñou soa. Co apoio imprescindible das institucións, dos organismos privados, e da sociedade en xeral “somos o que somos”, agradece Avendaño.

0
0
0
s2sdefault

A carreira solidaria íase celebrar o próximo mes de decembro no centro da cidade

cerreira Erguete e Corre 2020 Asociacion Erguete

A quinta edición da carreira solidaria Érguete e Corre de Vigo non se vai poder celebrar este ano. Estamos moi tristes por tomar esta decisión, pero a situación sanitaria e o noso sentido da responsabilidade fai que tanto á organización como patrocinadores e colaborades consideremos que este 2020 non podemos correr xuntos e xuntos como nos gustaría. Mellor fácelo no 2021, máis seguros e seguras.

Durante estes meses estivemos á espera e buscando alternativas para celebrar a carreira como nos gustaría e como vos gustaría, pero as garantías sanitarias non son as idóneas. A saúde e vós estades por diante sempre.

Esperamos vervos a todos e a todas na edición do ano que vén. Tamén esperamos poder ter o orgullo de continuar pertencendo ao Circuíto Run Run do Concello de Vigo, un gran soporte para facer un evento mellor.

Non imos celebrar carreira, pero seguide adestrando para estar en forma o ano que vén. Debemos cargar pilas para correr xuntos e xuntas e reivindicar a base de quilómetros un mundo máis xusto, mellor, e máis igualitario. Esta mensaxe é hoxe máis necesaria que nunca.

Grazas por estar aí,

Unha forte aperta. Coidarvos moito!

Asociación Érguete