0
0
0
s2sdefault

Durante este ano cerca de 100 persoas se presentaron voluntariamente ao programa coñecido por Auto-T levado a cabo pola Asociación coa colaboración da Fundación Barrié, da Fundación Roviralta e Institucións Penitenciarias

A Asociación Érguete desenvolve un programa con persoas en réxime de primeiro grado en A Lama e en Teixeiro co obxectivo de integrar e mellorar a convivencia dentro do centro penitenciario.

O sistema penitenciario español clasifica ás persoas en grados, o primeiro correspóndese co réxime pechado e de illamento. o que conta con máis medidas de control e seguridade, o segundo é o réxime ordinario e o terceiro o réxime aberto. A maioría das persoas privadas de liberdade está no segundo e miran con respecto o primeiro. O coñecido coloquialmente como a prisión dentro da prisión.

As persoas que se atopan neste réxime permanecen recluídas nunha celda individual 20 horas diarias, tendo soamente 4 para vida en común, como por exemplo saír ao patio. Transcorren o día en absoluta soidade. É un réxime difícil e no que a Asociación Érguete comezou en 2008 un programa para poder axudar a estas persoas a integrarse na prisión e poder progresar así a réximes máis abertos en A Lama, para implantalo en 2017 en Teixeiro.

A través dunha terapia educativa individual e grupal os participantes desenvolven actividades enfocadas en tres campos: o social, o persoal e o emocional. Trabállase sobre a autocrítica, o control de impulsos, a integración no colectivo e a aprender a regular as emocións e a afrontar sentimentos como o da culpa. Tamén se organiza algunha sesión específica baseada no movemento corporal nos polideportivos para que poidan saír do modulo. Aquí se traballa a relaxación, o control da agresidade e liberar tensións.

Programa en prisiones Auto T 2019 Asociacion Erguete

 

Unha característica esencial deste proxecto é que as persoas que queiran participar deben presentarse voluntarias. “Que sexa voluntario é algo moi bo porque implica a intención de querer mellorar”, explica a técnica da Asociación Érguete en Teixeiro, Ana Vázquez. Ademais destinan dúas horas, das catro que dispoñen fóra da celda, para falar de temas moi persoais e delicados en grupo. “Iso non é fácil, pero a gran maioría ten unha actitude moi boa e receptiva”, destaca Vázquez. “Durante estas dúas horas aprenden que hai persoas máis alá do delito”, reflexiona mentres explica que cada un ten unha realidade distintas, pero a que máis se repite é a que ten relación co consumo de substancias.

Un dos aspectos no que se pon o foco no programa é o da integración. Moitas das persoas en primeiro grado teñen medo de abandonalo e sumarse á maioría da poboación penitenciaria posto que teñen a percepción de que lles vai resultar moi difícil. Teñen medo de no integrarse. En primeiro grado están practicamente todo o día sós, mentres que en segundo comparten celda e as actividades grupais se multiplican. É un gran cambio. Por iso, o equipo da Asociación Érguete prepáraos e fai un seguimento da súa evolución. “Ver como melloran é a parte máis bonita porque ves como tentan, esfórzanse e o conseguen”, destaca a técnica de Érguete.

Programa en prisiones Auto T 2019 Asociacion Erguete 2

 

Se chegan a segundo grado e o proceso de integración da persoa funciona, a súa vida e a súa posibilidade de reinserción aumenta. É un cambio que agradecen e que incluso ás persoas desprazadas lonxe do seu lugar de orixe poden obter un traslado e poder estar máis preto dos seus seres queridos.

 

Un programa en crecemento

Cada vez son máis as persoas que se suman a este programa dende que naceu en 2017. Durante o último ano houbo cerca de 100 persoas entre as dúas cárceres. E en Teixeiro dos 50 que asistiron, 28 progresaron a segundo grado. Uns datos que demostran que o programa funciona.

O Auto-T estase a converter nun lugar para mellorar na prisión dentro da prisión. Un lugar para tratar temas que doen, para reflexionar e para confiar nunha segunda oportunidade. Porque o cambio está en eles e elas. É o primeiro paso está en querer cambiar e o programa “está para iso”, conclúe Ana Vázquez.

0
0
0
s2sdefault

A actividade mostra a historia da Asociación Érguete e a loita das nais contra o narcotráfico, centrándose no convulso panorama da xuventude nos anos oitenta para que rapaces e rapazas poidan ver máis de cerca o contexto familiar que provoca unha adicción.

A presidenta da Asociación Érguete, Carmen Avendaño, estivo esta mañá con 200 estudantes de Formación Profesional do Colexio Hogar para impartir un taller de prevención sobre condutas aditivas. Foi unha actividade distintas posto que o equipo de Érguete decidiu concienciar sen centrarse na substancia e poñendo o foco no contexto familiar que deixa un problema de adiccións.

Por iso, Carmen Avendaño rememorou a historia da súa loita xunto a outras moitas nais. Entender que a adiccións ás substancias vai máis alá dun problema persoal é indispensable para previr e concienciar. A técnica de prevención da Asociación, Marta Lloves, explica que é necesario buscar “novas formas de concienciar porque entre a xente nova o consumo de determinadas substancias non se ve como algo negativo”, avisa en relación aos últimos datos que Informe Estudes mostrou sobre prevalencia de alcohol, tabaco e cannabis.

Carmen Avendano Colexio Hogar

0
0
0
s2sdefault

O equipo técnico da Asociación traballou con máis de 300 rapaces e rapazas en escolas e equipos deportivos, e tamén con 200 familias para abordar a prevención dende os distintos campos

A adicción aos videoxogos é un problema que “cada vez vemos máis nas nenas e nenos coas que traballamos”, explica a técnica de prevención da Asociación Érguete, Marta Lloves, no marco da clausura do programa Coñece-Decide organizado en colaboración coa Deputación de Pontevedra, e que consiste en accións de prevención en centros educativos da área metropolitana de Vigo, con pais e nais, e con equipos deportivos para tratar de precaver condutas aditivas.

Durante o traballo de campo deste 2019 con máis de 300 rapaces e rapazas en escolas e equipos deportivos, e con 200 familias, o equipo técnico de Érguete constatou unha serie de comportamentos que inciden na importancia de traballar na prevención. Un deles e quizás o máis moderno é a adicción aos videoxogos que afecta a nenos e nenas polo que “estase baixando a idade de inicio dos comportamentos adictivos”, explica Lloves. A expansión das novas tecnoloxías e o auxe de videoxogos como o Fortnite fai que “xa viramos nenos de oito anos con problemas de ansiedade que presentan persoas maiores con adiccións a substancias”, avisa a técnica de Érguete.

clausura conece decide 2019

 

O problema é novo e aínda fai falta máis traballo de campo para constatar en cifras as porcentaxes de menores que presentan adiccións aos videoxogos, pero segundo Lloves o foco ten que estar tamén “nos pais e nais porque son eles os que lle meten nos xogos, os que lle crean a conta ou os que presentan comportamentos adictivos coa tecnoloxía”, explica.

Unha das dinámicas de traballo do programa Coñece-Decide e a de falar con nenos e nenas e as súas familias por separado. E este ano pasou “algo curioso”, di Lloves. “É a primeira vez que fillos e pais presentan as mesmas queixas”, destaca. Os máis pequenos e pequenas quéixanse que o seu pai e a súa nai están moito co móbil mentres que eles, en cambio, din que o seu fillo pasa moito tempo pegado o teléfono. “Isto indica que hai que traballar e concienciar na importancia de transmitir comportamentos positivos se queremos evitar estas adiccións”, explica Marta Lloves.

Apostas deportivas

Outro dos comportamentos que o equipo da Asociación Érguete constatou este ano foi que entre os rapaces e rapazas que practican algún deporte a estadística mostra que son máis “proclives a presentar adiccións ás apostas deportivas”. Así como o deporte funciona como muro de contención fronte o consumo de substancias, parece que fai o contrario nas apostas. Polo que dende a Asociación trataremos de enfocar as actividades con clubs deportivos para tratar directamente con este problema.

Reforzo da personalidade

Outro dos elementos indispensables para traballar na prevención cos máis pequenos e pequenas e a de tratar de reforzar a súa personalidade, no sentido de tratar de reducir as altas cifras de consumo de drogas por presión social que presentan as últimas estadísticas. Este é outros dos puntos que o Coñece-Decide aborda abertamente nos seus talleres.

0
0
0
s2sdefault

O atleta e adestrador nacional de Atletismo e do Real Club Celta de atletismo, Manuel Ageitos, será o encargado dun proxecto en colaboración co deportista Daniel Bargiela (Bikila) no que participan persoas usuarias que viven nas casas de acollida da Asociación, menores cos que traballa Érguete e tamén parte do equipo de profesionais.

Mañá un equipo de quince persoas comezará a correr polo parque de Castrelos para poñerse en forma en corpo e alma. Comezan unha “terapia running” que organiza a Asociación Érguete e coordina o atleta e adestrador nacional de Atletismo e do Real Club Celta de atletismo, Manuel Ageitos. O obxectivo é demostrar os beneficios do deporte como método de protección e prevención fronte as adiccións con dous adestramentos por semana, martes e xoves ás 20.45 horas.

Na activade participan menores que asisten a talleres na Asociación Érguete e parte do seu persoal. Aínda que unha boa parte dos participantes son os dez usuarios e usuarias que residen nas tres vivendas de acollida das que dispón a Asociación no centro de Vigo (unha para mulleres e dúas para homes). Alí residen entre seis meses e un ano e reciben axuda no seu propio axuste persoal para posteriormente incorporarse de novo a sociedade. Son persoas con trastornos aditivos que precisan dunha vivenda normalizada e supervisada para a súa volta a normalidade.

Por iso, a “terapia running” é unha gran actividade para eles e elas. O coordinador de Vivendas de Apoio da Asociación Érguete, Javier Alonso, explica que “é unha forma fantástica de traballar e na que os participantes responden moi ben”. Ademais destaca que Ageitos é un gran “director de orquesta porque é un bo motivador que sabe adaptarse ao nivel de cada un”. Destaca tamén que o exercicio ten múltiples beneficios para os usuarios e usuarias da Asociación. Físicos, pero tamén psicolóxicos posto que deporte tamén xera unha sensación de benestar “que lles axuda a liberar tensións funcionando como un potente antidepresivo”.

A coordinadora da Asociación Érguete, Elvira Rivas incide en que a actividade aporta beneficios máis alá da saúde. “Crea unha costume de compromiso moi necesaria para vivir en sociedade”, destaca. Ademais recalca que correr dous veces por semana obriga a superar límites para moitos porque “tentar superar marcas e obxectivos crea unha educación no esforzo imprescindible para previr e saír das adiccións”. Outro dos aspectos positivos desta terapia para Rivas é que “o pasan ben e se poden relacionar en contextos novos” recalca. “É unha actividade boa non só para os usuarios e usuarias, tamén para nós”, conclúe. Por todo isto, a coordinadora da Asociación tamén se enfundará os zapatos para correr xunto a máis traballadores e traballadoras de Érguete.

camiseta movendo caminos logo

Movendo Camiños é unha activade que culminará o próximo ano na carreira Érguete e Corre. Un evento que xa forma parte do circuíto Run Run de Vigo e que a zancadas solidarias reivindicará a importancia do deporte á hora de previr adiccións. Ata ese día a “terapia running” continuará en Castrelos dous días por semana grazas ao apoio da Obra Social de “la Caixa” e das firmas Brooks e Bikila.

Dende a Asociación Érguete tamén inciden que a “terapia running” é beneficiosa para todas e para todos. Por iso invitan aos veciños e veciñas a unirse á actividade para construír unha sociedade máis saudable. En definitiva, saúde e quilómetros.

0
0
0
s2sdefault

Os datos son reveladores. España non mellora en materia de prevención do consumo de drogas entre adolescentes.

O martes pasado o Ministerio de Sanidad presentou a súa Enquisa sobre Uso de Drogas en Enseñanzas Secundarias (ESTUDES 2019) realizada con enquisas cubertas por 38.000 menores de entre 14 e 18 anos de todo o Estado.

Entre os moitos datos que se manexan hai varios preocupantes. A gran maioría de menores españois, un 94%, ve moi fácil adquirir alcol e tabaco para consumir, pese a prohibición, mentres que un 70% considera fácil o acceso ao cannabis. Ademais o consumo destas drogas tamén crece nos últimos doce meses, data da última enquisa. O alcol volve a ser a sustancia máis consumida polos estudantes e se no 2016 bebera alcohol algunha vez na súa vida o 76,9%, no 2018 foron un 77,9%. Unha subida dun punto que demostra que a tendencia é a alza e que a prevención erra.

CONSUMO DE DROGAS ESTUDES 2018 2019

No tabaco tamén figura unha subida. Volve a ser a segunda droga máis estendida entre estudantes de 14 a 18 anos, rexistrando que un 41,3% fumaron tabaco nalgunha ocasión na súa vida aumentando respecto as dúas edicións anteriores. Outro dato que destaca relativo ao tabaco é o alto aumento do uso dos cigarros electrónicos, en 2016 fumaban desta maneira un 20% de adolescentes, pero no 2018 o fixeron o 48,4%. Unha subida que demostra que as novas formas de consumo tamén están a alza, facilitando así a súa expansión.

Tamén son preocupantes os datos de consumo de cannabis. É a droga ilegal máis accesible, tanto que un 33% de adolescentes consumírono algunha vez na súa vida. Continúa así a súa expansión dende o 2006, cando consumía un 37%.

CONSUMO DE CANNABIS ESTUDES 2018 2019 page 10

 

Dispoñibilidade

O alcol e o tabaco son, con diferenza, as substancias máis accesibles para os estudantes de 14 a 18 anos. Neste sentido, máis do 90% dos estudantes non aprecia ningunha dificultade para conseguir bebidas alcohólicas ou tabaco, escenario que apenas variou ao respecto aos anos pasados.

Doutra banda, seguindo coas substancias legais practicamente a metade dos estudantes perciben un fácil acceso aos hipnosedantes (47,4%), dato moi similar ao rexistrado no 2016.

E nas drogas ilegais segue sendo o cannabis a que se considera máis accesible e case un 70% do alumnado pensan que é fácil ou moi fácil adquirilo.En canto a cocaína en pó, a porcentaxe de estudantes que opina que pode conseguila sen problemas incrementouse con respecto ao ano anterior (32,8% de 2018 fronte a 32,3% de 2016).

DISPONIBILIDAD DROGAS ESTUDES 2018 2019

 

Apostar pola prevención

Apostar pola prevención é esencial para mellorar estas cifras. O consumo expándese e normalízase. É necesario incluír nos sistemas educativos máis horas e programas adicados a previr. Na Asociación Érguete levamos xa anos con programa propio de prevención entre menores, pero consideramos que debe ser unha aposta conxunta e máis decidida porque os datos non terminan de mellorar.

Documentación para descarga

INFORME ESTUDES 2018 2019    INFORME 2019 ALCOHOL TABACO Y DROGAS ILEGALES EN ESPANA