0
0
0
s2sdefault

O estudo publicado polo Ministerio de Sanidade “Mortalidad atribuible al alcohol en España 2001-2017” recolle a media anual de mortes e fixa a Galicia como a terceira comunidade cun risco máis alto de mortalidade do Estado.

WhatsApp Image 2020 07 07 at 11.31.44

O consumo de alcol provocou a morte de 1.206 persoas ao ano en Galicia entre o 2010 e o 2017 segundo o estudo “Mortalidad atribuible al alcohol en España 2001-2017” publicado polo Ministerio de Sanidade esta semana. Desas mortes un 73% correspóndense a homes, mentres que un 27% a mulleres. Ademais o 53 % desas mortes son consideradas prematuras, ao corresponder a menores de 75 anos.

Estas cifras mostran que a adicción ao alcol tamén “é unha pandemia mundial”, avisa a coordinadora da Asociación Érguete, Elvira Rivas. A traballadora social ademais alerta de que Galicia é unha das comunidades máis afectadas de España. O estudo coloca a comunidade como a terceira cun risco máis alto de morte cun 43,9 de mortes atribuíbles ao alcol cada 100.000 habitantes, só por debaixo de Asturias (46/100.000) e Andalucía (44,7/100.000).

Os datos ademais poden mostrar unha mortalidade inferior á real. O informe avisa que a estimación é conservadora e está calculada á baixa porque non se considerou, por exemplo, o risco asociado ao consumo intensivo episódico de alcol (binge drinking) ou que graduación do vino estimada probablemente sexa máis baixa ca do contexto español actual.

A coordinadora da Asociación Érguete quere que estes datos axuden a “abrir os ollos das problemáticas que pode traer o alcol”, e incide en que “para esta pandemia si que hai vacina, a prevención”. “Cada unha destas mortes podería non ter pasado se estas persoas recibiran unha boa educación preventiva para evitar o consumo prolongado de alcol”, explica.

En plena campaña electoral, a presidenta da Asociación, Carmen Avendaño, quere lembrar a cada unha das forzas políticas que opta a entrar no parlamento galego do urxente que é un pacto galego para traballar na prevención das adiccións, con o sen substancia, que conte co respaldo das Asociacións, que como Érguete, teñen moitos anos de experiencia e loita nas costas.

0
0
0
s2sdefault

A Asociación Érguete impartirán talleres de prevención nestes concellos nas autoescolas que o demanden durante os meses de verán.

formacion en autoescuelas Redondela Morrazo Asociacion Erguete

Este verán as persoas aspirantes a condutor de O Morrazo e Redondela recibirán talleres de prevención de drogas como educación engadida mentres sacan o carné de conducir. As encargadas de impartir a formación nestes concellos serán desta formación serán os e as profesionais da Asociación Érguete co financiamento da Xunta de Galicia.

O programa leva o nome de “Cambio de Sentido” e que a través de distintos talleres interactivos informará e sensibilizará a estas persoas ao risco de conducir baixo os efectos das drogas. Tamén haberá un apartado que explique como os distintos medicamentos poden ser perigosos para a conducións, pese a ter receita médica.

Estes talleres impartíranse nas aulas das autoescolas e sempre dacordo aos protocolos de seguridade que marcan as autoridades sanitarias. Ademais dende a Asociación Érguete queren lembrar que conducir baixo os efectos das drogas tamén é “unha pandemia que mata moitas persoas”, por iso, inciden en que a “educación e a prevención son indispensables para salvar vidas”.

As autoescolas dos concellos de O Morrazo e Redondela que queiran demandar este servizo deben poñerse en contacto coa Asociación a través do correo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

0
0
0
s2sdefault

Os avogados e avogadas da entidade axudan a estas persoas con condutas adictivas a plantexar un recurso ás sancións

servizo socio xuridico da Asociacion Erguete

Coa desescalada da Xustiza comezan a chegar ao Servizo Socio-Xurídico da Asociación Érguete as solicitudes de asesoramento de persoas que recibiron sancións por incumprir as normas do Estado de Alarma. Nas últimas dúas semanas xa son 10 as persoas con condutas adictivas atendidas polos avogados e avogadas da entidade.

Despois de coñecer as súas distintas historias, os e as profesionais da Asociación redactan un recurso as súas sancións. Para o coordinador deste servizo, David Martínez, é necesario ter en conta que para as persoas con problemas de adiccións foi “moi difícil” manter as estritas normas do confinamento.

O seguimento, mellor presencial

Estas persoas non son as únicas que aproveitan a volta do servizo da Asociación de maneira presencial co comezo da fase 2. Ate aí, a atención era telefónica e o seguimento dos casos facíase “moito máis difícil”, explica Martínez.

Nos meses de estrito confinamento o traballo do servizo da Asociación Érguete centrouse no seguimento das persoas usuarias, non nas sancións administrativas. Agora, en cambio, as súas necesidades xa van da man da “nova normalidade”

O Servizo Xurídico da Asociación Érguete está subvencionado pola Consellería de Sanidade da Xunta de Galicia baixo un convenio de colaboración firmado en abril deste ano.

0
0
0
s2sdefault

A coordinadora do programa Mírate da Asociación Érguete na prisión de A Lama, Andrea Pérez, explica que as mulleres coas que traballan afrontan este confinamento en prisión sen visitas das súas familias, pero “non se rinden na súa loita por un futuro mellor”

CP A LAMA Asociacion Erguete

O confinamento ao que se someteu toda a poboación durante estes últimos meses tamén cambiou a vida en prisión. Alí, as persoas privadas de liberdade deixaron de recibir visitas das súas familias por precaución e perderon así a súa conexión co mundo exterior e cos que están fóra. O confinamento é total. Neste contexto, as mulleres privadas de liberdade na prisión de A Lama viven estes momentos “tranquilas coa situación que lles tocou vivir e sen deixar de loitar para mellorar o seu futuro”, explica a coordinadora do programa Mírate da Asociación Érguete na prisión, Andrea Pérez.

No programa que coordina Andrea Pérez traballan coas mulleres para mellorar a súa situación dentro, e tamén fóra, para cando terminen a súa condena. Reciben un acompañamento e asesoramento laboral e formativo, así como psicolóxico, para traballar a autoestima e a igualdade. O eixo do programa xira en torno ás intervencións presenciais, pero durante estes meses coa prohibición das visitas foi “imposible estar con elas”, polo que na Asociación Érguete “reinventamonos para non perder o contacto e estar aí sempre; sexa por carta, por mediación do equipo do Centro Penitenciario...”.

A vida que teñen que afrontar estas mulleres é difícil, pero “elas nunca se renden”, explica Andrea. Leva anos traballando con elas en A Lama e non dubida de que “todos e todas deberíamos coller o seu exemplo de superación para mirar o futuro con optimismo. Seguro que axudaría moito nesta situación que nos tocou vivir”.

Dende a Asociación Érguete tamén inciden en que as experiencias tan duras que vivimos estes días nos deben a axudar a ver as persoas e o que podemos aprender delas porque “estou segura que se deixamos os prexuízos de lado, podemos aprender moito escoitando as historias das mulleres privadas de liberdade”, reflexiona a coordinadora do programa da Asociación Érguete.

0
0
0
s2sdefault

O Programa de Intervención Socio-Educativa (PFIS) da Asociación Érguete habilitou durante este confinamento un teléfono para reforzar a atención telemática e axudar aos e ás menores con problemas de adiccións a afrontar estes momentos xunto as súas familias.

Lucia Asociacion Erguete

O confinamento no fogar é unha situación difícil para todos e todas, pero para as persoas con problemas de adiccións e de conduta pode chegar a ser un auténtico reto de resistencia. Consumir drogas ilegais é máis complicado, e o consumo de drogas legais en soidade faise máis recorrente e adictivo segundo distintas enquisas publicadas ao longo do Estado. Esta situación tamén se da nos e nas menores, recluídos agora todo o día coas súas familias e baixo a súa vixilancia. Aumentando os conflitos no fogar polo síndrome de abstinencia e o desgaste psicolóxico do encerro. Por iso, na Asociación Érguete habilitaron un teléfono (658756739) para axudar a menores e a familias a afrontar este problema.

A encargada deste teléfono é a responsable do Programa de Intervención Socio-Educativa, a educadora social Lucía Pereda. Ten anos de experiencia traballando con menores e as súas familias, pero explica que nesta situación todo e “máis difícil” porque a convivencia de 24 horas e a ruptura das pautas de consumo “aumentan a conflitividade familiar”. Aínda que destaca que na maioría dos casos adaptáronse moi ben a intervención telefónica e incluso moitos dos e das menores melloran na súa adicción grazas, en parte, ao encerro que vivimos. Explica que no seo das familias estruturadas ao inicio do confinamento a “deshabituación traía ansiedade e conflito, e nalguns casos houbo que intervir na restructuración de acordos e pautas de convivencia de cara á mellora do funcionamento familiar” , pero que pasadas as primeiras semanas a situación “tendeu á normalización e incluso ó abandono definitivo do consumo en moitos casos”.

“O apoio da familia é imprescindible durante estes días”, explica a educadora social da Asociación Érguete e é un aspecto que se trata de reforzar. Ademais as intervencións son “máis difíciles por teléfono”, pero por iso “sempre estamos dispoñibles para que falar con nós sexa unha vía de escape, sirva de orientación ante as novas situacións que o confinanento supón para os e as menores e as súas familias, e para levar a cabo unha medicación sempre que sexa preciso”, conclúe a educadora social da Asociación Érguete.

Máis tristes e máis estresados

O estado de ánimo é un aspecto imprescindible para loitar contra unha adicción ás drogas debido ao gran esforzo e forza de vontade que se precisa, e de cara tamén á resolución dos conflitos familiares, moitas veces orixinados por problemas de consumo, conducta e a incapacidade dos nais e país para o establecemento de normas e límites e o seu cumplimento. Pero esta situación que ten a moitos e a moitas ao límite pode facer as cousas máis difíciles. Segundo un estudo deseñado polo grupo de traballo “Data Science for Covid-19 TaskForce” dependente da Generalitat Valenciana as persoas entre 18 e 20 anos son as que din estar sufrindo maiores índices de estrés, ansiedade e tristeza durante o confinamento. Ademais nesta investigación a base de enquisas tamén se comprobou un aumento significativo no consumo de medicamentos e drogas.

Polo que, esta situación tamén obriga a que a intervención no programa da Asociación cree dinámicas para fortalecer a través da conversación “o cambio de pensamentes e a elección de actividades para despexar a mente e distraerse”, explica Pereda.